| მთავარი » ფაილები » ტკბილი კერძები |
იდეალი ჰაეროვანი ბისკვიტით
| 2011-12-17, 1:07 PM | |
 მასალად საჭიროა:ღუმელში შესადგმელი ერთი თუნუქის ფურცლის ფენისთვის საჭიროა: 6 კვერცხი; 100 გრ. შაქარი; 2 სუფრის კოვზი თაფლი; 1 ჩაის კოვზი სოდა-ძმრით (გამაფხვიერებლით შეიძლება ჩანაცვლება); 2 ჭიქა გაცრილი ფქვილი; 1 ჭიქა დაჭრილი ნიგოზი; 1 ჩაის კოვზი კაკაოს ფხვნილი. შენიშვნა: 5-30 ნაჭერი ნამცხვრისთვის გამოაცხვეთ 2 ფენა; 16 ნაჭრისთვის, კი -1 პორციაც საკმარისი იქნება (ანუ, 1 ფენას ორად გაჭრით და ერთმანეთზე შეაწყობთ). კრემისთვის (მთლიანი პორციისათვის): 400 გრ. მოხარშული შესქელებული რძე (შეგიძლიათ კიდევ დაუმატოთ, მე მიყვარს ბევრი კრემით); 200 გრ კარაქი - ათქვეფილი; 100 გრ დაჭრილი და მოხალული ნიგოზი; კაკაოს ფხვნილი. მომზადების წესი: ბისკვიტი: 6 კვ + 100 გრ. შაქარი =გოგლი-მოგლი; + 2 სუფრის კოვზი თაფლი + 1 ჩაის კოვზი სოდა-ძმრით (გამაფხვიერებლით ჩავანაცვლე) + 2 ჭიქა გაცრილი ფქვილი + კაკაო + 1 ჭიქა დაჭრილი ნიგოზი. ცხვება ნელ-ცეცხლზე; ეს არის ერთი თუნუქის ფურცლის ფენის პორცია, საჭიროა მეორე ფენაც, რომელიც პირველი ფენის შეცხობის შემდეგ მოამზადეთ, რომ ცომს "ლოდინი" არ მოუწიოს) . . კრემი: ათქვიფეთ კარაქი და შეათქვიფეთ შესქელებული რძე; აწყობა: ერთ ფენას გადაუსვით კრემის 1/3; მოაყარეთ ასევე ნაჭრილი ნიგოზის 1/3; დააფარეთ მეორე ფენა და მთლიან ნამცხვარს (გვერდებიანად) გადაუსვით კრემი; მოაყარეთ დარჩენილი ნიგოზი და კაკაოს ფხვნილი; თუ ფირფიტებს კიდეებს ჩამოაჭრით, ისიც დაფხვენით ძალიან წვრილად და მოაყარეთ ნამცხვარს. ადმინისტრატორის ფუნქციით ვისარგებლებ და აქვე ჩავამატებ, მე როგორ ვაკეთებ, თან ძალიან ხშირად: ორ, 20 სმ-იან მრგვალ ფორმაში ვაცხობ და ინგრედიენტებს ვანგარიშობ 4 კვერცხზე, ნიგოზს მთლიანად 100 გრ ვუშვები, ნახევარს ვხეხავ და ცომში ვამატებ, ნახევარს კი ვჭრი და ვხალავ, კრემზე ვაყრი; ფქვილს იმატებს დაახლოებით 5-7 სადილის კოვზს, უნდა გამოვიდეს ათქვეფილი ბეზეს სისქის მასა, ანუ, ტორტის ბისკვიტის ცომზე უფრო მძიმე, მაგრამ "არაჟნის სისქეზე" უფრო მსუბუქი და ჰაეროვანი; ვაცხობ ორ ფორმაში ერთდროულად (ღუმელში ეტევა) და შემდეგ შუაზე ვჭრი თითეულს, 3 ფენას ერთმანეთზე ვაწყობ, 1 ფენას ვფხვნი (ვაბლენდერებ) მოსაყრელად; | |
| ნანახია: 1594 | რამოტვირთვები: 0 | | |