რულეტი ნიგოზით(ruleti nigvzit) - ტკბილი კერძები - ყველაფერი მხოლოდ თქვენთვის - კერძები მხოლოდ თქვენთვის
MENU
მთავარი » ფაილები » ტკბილი კერძები

რულეტი ნიგოზით(ruleti nigvzit)
2011-12-24, 4:31 PM
მასალად საჭიროა:
კარაქი  - 90 გრ
ნიგოზი  - 175 გრ
ყავისფერი შაქარი  - 70 გრ
დარიჩინი  - 1 ჩ/კ
საფუარი  - 14 გრ
შაქარი  - 70 გრ
მარილი  - 1 ჩ/კ
ფქვილი  - 675 გრ
რძე  - 225 გრ
კვერცხი  - 2 ცალი
ჯემი  - 175 გრ
კვერცხის გული  - 1 ცალი

მომზადების წესი:
ნიგოზი წვრილად დავჭრათ. 30 გრ კარაქი გავადნოთ ქვაბში, დავამატოთ დაჭრილი ნიგოზი, დარიჩინი და ყავსიფერი შაქარი.(შეიძლება შევცვალოთ ჩვეულებრივი შაქრით). კარგად ავურიოთ და გადავდოთ გვერდზე.
 
ცალკე ჯამში გავხსნათ საფუარი, შაქარი, 150 გრ გაცრილი ფქვილი და მარილი. რძე ჩავასხათ ქვაბში, მანდვე დავამატოთ დარჩენილი კარაქი, დავდგათ გაზზე და სულ ვურიოთ( კარაქი უნდა გადნეს და სითხე უნდა იყოს თბილი).
მიქსერით ავურიოთ ყველაფერი, ვთქვიფოთ 2 წუთის განმავლობაში.
 
ცომში ავურიოთ 2 კვერცხი და კარგად ავთქვიფოთ.
 
კოვზით ჩავურიოთ ფქვილი 400-420 გრ. დარჩენილი ფქვილი დავყაროთ მაგიდაზე, დავდოთ ცომი და ვზილოთ 10 წუთის განმავლობაში. სანამ ელასტიური არ გახდება.
 
გავაბრტყელოთ ცომი ოთხკუთხედის ფორმაზე, წავუსვათ ზემოდან ჯემი და დავაყაროთ შიგთავსი. ზემოდან კარგად მივაბრტყელოთ.
 
დავჭრათ ცომი სიგრძეზე 5 სმ სიგანის ზოლებად. ერთი ზოლი ჩავახვიოთ რულეტის ფორმაზე და ჩავდოთ მომზადებულ მრგვალ ფორმაში.
დანარჩენი ზოლები ჩავახვიოთ პირველის გარშემო ისე რომ სპირალი გამოვიდეს.
 
დავდგათ თბილ ადგილას 30 წუთით, რომ კარგად ამოვიდეს.
წავუსვათ კვერცხის გული და ჩავდგათ ღუმელში 180 გრადუსზე. ვაცხობთ 40 წუთი.
კატეგორია: ტკბილი კერძები | დაამატა: kopala | ტეგები: რულეტი ნიგოზით, ruleti nigvzit
ნანახია: 2445 | რამოტვირთვები: 0 | რეიტინგი: 1.0/1